Jonny Bairstow: టీమిండియా-ఇంగ్లండ్ టెస్టు: సెంచరీ పూర్తి చేసుకున్న బెయిర్ స్టో
- బర్మింగ్ హామ్ లో మ్యాచ్
- 119 బంతుల్లో సెంచరీ కొట్టిన బెయిర్ స్టో
- తగ్గుతున్న పరుగుల తేడా
- ఇంగ్లండ్ స్కోరు 6 వికెట్లకు 235 రన్స్
టీమిండియాతో జరుగుతున్న రీషెడ్యూల్డ్ టెస్టులో ఇంగ్లండ్ ఆటగాడు జానీ బెయిర్ స్టో సెంచరీ పూర్తి చేసుకున్నాడు. ప్రతికూల పరిస్థితుల్లో బరిలో దిగిన బెయిర్ స్టో 119 బంతుల్లో సెంచరీ మార్కు అందుకున్నాడు. ఈ క్రమంలో బెయిర్ స్టో 14 ఫోర్లు, 2 సిక్సులు బాదాడు. ఇటీవల న్యూజిలాండ్ లో సిరీస్ లోనూ రెండు సెంచరీలు బాదిన బెయిర్ స్టో... వరుసగా మరో శతకాన్ని ఖాతాలో వేసుకున్నాడు.
ప్రస్తుతం ఇంగ్లండ్ స్కోరు 50 ఓవర్లలో 6 వికెట్లకు 235 పరుగులు కాగా, టీమిండియా తొలి ఇన్నింగ్స్ స్కోరు (416)కు ఇంకా 181 పరుగులు వెనుకబడి ఉంది. బెయిర్ స్టో (102 బ్యాటింగ్)కు జతగా క్రీజులో శామ్ బిల్లింగ్స్ 23 పరుగులతో ఆడుతున్నాడు.
