Ram: కొత్త రికార్డుల దిశగా దూసుకెళుతున్న 'బుల్లెట్' సాంగ్!
- రామ్ తాజా చిత్రంగా రూపొందిన 'ది వారియర్'
- కథానాయికగా అలరించనున్న కృతి శెట్టి
- ప్రతినాయకుడి పాత్రలో ఆకట్టుకోనున్న ఆది పినిశెట్టి
- జులై 14వ తేదీన తెలుగు .. తమిళ భాషల్లో విడుదల
రామ్ హీరోగా లింగుసామి దర్శకత్వంలో 'ది వారియర్' సినిమా రూపొందింది. శ్రీనివాస చిట్టూరి నిర్మించిన ఈ సినిమాకి దేవిశ్రీ ప్రసాద్ సంగీతాన్ని సమకూర్చాడు. కొన్ని రోజుల క్రితం ఈ సినిమా నుంచి 'బుల్లెట్' సాంగ్ ను రిలీజ్ చేశారు. రామ్ - కృతి శెట్టిపై ఈ పాటను కలర్ఫుల్ గా చిత్రీకరించారు.
తెలుగు - తమిళ భాషల్లో ఈ సినిమాను జులై 14వ తేదీన విడుదల చేయనున్నారు. అందువలన ఒకేసారి ఈ రెండు భాషల్లోను ఈ పాటను వదిలారు. హీరో శింబు పాడిన ఈ పాట యూ ట్యూబ్ లో ఇలా వదలగానే దూసుకుపోవడం మొదలైంది. అప్పుడు మొదలైన దూకుడు ఇంతవరకూ తగ్గలేదు.
ఇంతవరకూ ఈ పాట 125 మిలియన్ ప్లస్ వ్యూస్ ను అందుకుంది. ఇంకా అదే స్పీడ్ తో ముందుకు వెళుతోంది. మొత్తానికి కొత్త రికార్డులను కొల్లగొట్టే ప్రయత్నంలోనే ఈ పాట ఉంది. ఇక రీసెంట్ గా వదిలిన 'విజిల్ సాంగ్' కూడా ఒక రేంజ్ లో దూసుకెళుతుండటం విశేషం. ముఖ్యమైన పాత్రల్లో నదియా .. అక్షర గౌడ నటించగా, విలన్ పాత్రలో ఆది పినిశెట్టి కనిపించనున్నాడు.
