China: విమానంలో తప్పిన ఘోర ప్రమాదం.. 113 మంది ప్రయాణికులు సేఫ్!
- చైనాలోని చాంగ్ కింగ్ ఎయిర్ పోర్టులో విమాన ప్రమాదం
- టేకాఫ్ సమయంలో చెలరేగిన మంటలు
- ఘటనలో 25 మందికి గాయాలు
చైనాలోని చాంగ్ కింగ్ ఎయిర్ పోర్టులో ఘోర విమాన ప్రమాదం తప్పింది. టిబెట్ ఎయిర్ లైన్స్ కు చెందిన విమానంలో ఒక్కసారిగా మంటలు చెలరేగాయి. టేకాఫ్ కు విమానం సిద్ధమైన సమయంలో అగ్నిప్రమాదం సంభవించింది. ఈ ఘటన జరిగిన సమయంలో విమానంలో 113 మంది ప్రయాణికులు, 9 మంది విమాన సిబ్బంది ఉన్నారు. మంటలు చెలరేగిన వెంటనే అప్రమత్తమైన విమానాశ్రయ సిబ్బంది... ప్రయాణికులను, విమాన సిబ్బందిని అత్యవసర మార్గాల ద్వారా కిందకు దించారు. ఈ ప్రమాదంలో 25 మందికి గాయాలయ్యాయి.
