Premi Vishwanath: ఉద్యోగ ప్రకటన ఇచ్చిన 'వంటలక్క' ప్రేమీ విశ్వనాథ్
- కార్తీకదీపం సీరియల్ తో భారీ క్రేజ్ సంపాదించుకున్న ప్రేమీ విశ్వనాథ్
- డ్రైవర్లు, అకౌంటెంట్ కావాలని ఉద్యోగ ప్రకటన
- ఎంపికైన వారు ఎర్నాకులంలో పని చేయాలన్న వంటలక్క
బుల్లితెరపై 'కార్తీకదీపం' సీరియల్ సందడి చేస్తోంది. 2017లో మొదలైన ఈ సీరియల్ ప్రేక్షకులను ఎంతో ఆకట్టుకుంది. టీఆర్పీ రేటింగ్ లో కూడా ఈ సీరియల్ దూసుకుపోయింది. ఇండియన్ టెలివిజన్ రంగంలోనే తిరుగులేని టీఆర్పీని ఈ సీరియల్ సాధించింది.
ఈ సీరియల్ కు వంటలక్క, డాక్టర్ బాబు క్యారెక్టర్లు క్రేజ్ తీసుకొచ్చాయి. ఇక వంటలక్క పాత్రను కేరళకు చెందిన ప్రేమీ విశ్వనాథ్, డాక్టర్ బాబు క్యారెక్టర్ ను నిరుపమ్ పోషించారు. అయితే, ఈ సీరియల్ లో ఇటీవలే ఈ రెండు పాత్రలు రోడ్డు ప్రమాదంలో చనిపోయాయి. దీంతో, టాప్ రేటింగ్ లో కొనసాగిన ఈ సీరియల్... ఇప్పుడు కాస్త వెనుకబడిపోయింది.
ఈ సీరియల్ గురించి పక్కన పెడితే... ప్రేమీ విశ్వనాథ్ ఒక ఉద్యోగ ప్రకటనను ఇచ్చింది. ఫేస్ బుక్ లో ఈ ప్రకటనను పోస్ట్ చేసింది. 'అన్ని రకాల ఫోర్ వీలర్ (ఆటోమేటిక్, మాన్యువల్) డ్రైవర్లు కావలెను' అని ఆమె పేర్కొంది. దీనికి తోడు ట్యాలీలో రెండేళ్ల అనుభవం ఉన్న అకౌంటెంట్ కావాలని చెప్పారు. ఎంపికైన వారు కొచ్చిలోని ఎర్నాకులంలో పని చేయాల్సి ఉంటుంది.
