Hyderabad: హైదరాబాద్‌లోని ప‌బ్‌లో డ్ర‌గ్స్ ల‌భ్యం కావ‌డంతో తార్నాకలో సోదాలు.. 11 మంది అరెస్టు
- మత్తు ప‌దార్థాల విక్ర‌యాల‌పై పోలీసుల సీరియ‌స్‌
- హైద‌రాబాద్‌లో వాటిని కట్టడి చేయడానికి చర్యలు
- తార్నాక‌లోని ఓయూ పోలీసులతో కలిసి నార్కోటిక్ బృందం సోదాలు
- మత్తు పదార్థాలు సరఫరా చేస్తున్న వారి అరెస్టు
హైదరాబాద్ బంజారాహిల్స్‌లోని రాడిసన్ బ్లూ హోటల్ లోని పుడింగ్ అండ్ మింక్ పబ్‌పై దాడి చేసిన అధికారులకు డ్ర‌గ్స్ కూడా ల‌భ్య‌మైన విష‌యం తెలిసిందే. ఈ నేపథ్యంలో హైదరాబాద్ పోలీసులు మత్తు ప‌దార్థాల విక్ర‌యాల‌పై సీరియ‌స్‌గా ఉన్నారు. హైద‌రాబాద్‌లో మత్తు ప‌దార్థాల వినియోగాన్ని కట్టడి చేయడానికి పోలీసులు చర్యలు తీసుకుంటున్నారు.
ఈ క్రమంలో తార్నాక‌లోని ఓయూ పోలీసులతో కలిసి నార్కోటిక్ బృందం తార్నాకలో సోదాలు నిర్వహించి, మత్తు పదార్థాలు సరఫరా చేస్తున్న 11 మందిని అరెస్టు చేసింది. నిందితుల నుంచి నార్కోటిక్ బృందం గంజాయితో పాటు హాష్‌ ఆయిల్‌ను స్వాధీనం చేసుకుంది.
