sitara: త‌న తండ్రి మహేశ్ బాబు గర్వపడేలా చేస్తానని చెప్పిన సితార
- పరశురామ్ దర్శకత్వంలో సర్కారువారి పాట సినిమా
- పెన్నీ పాట ప్రోమో విడుద‌ల
- ఇందులో సితార డ్యాన్స్
- సంతోషంగా ఉంద‌న్న సితార
పరశురామ్ దర్శకత్వంలో మహేశ్ బాబు న‌టించిన 'సర్కారువారి పాట' సినిమాలో నుంచి పెన్నీ పాట ప్రోమో విడుద‌లైన విష‌యం తెలిసిందే. మొట్ట‌మొద‌టి సారిగా మహేశ్ బాబు కూతురు సితార ఇందులో డ్యాన్స్ చేసింది. ఆమె ఈ పాట‌లో క‌న‌ప‌డ‌డంతో మహేశ్ బాబు అభిమానులు ఖుషీ అవుతున్నారు. ఈ పాట‌లో డ్యాన్స్ చేయ‌డం ప‌ట్ల సితార త‌న ఇన్‌స్టాగ్రామ్ ఖాతా ద్వారా స్పందించింది.
ఈ సాంగ్‌ కోసం సర్కారు వారి పాట వంటి గొప్ప టీమ్‌తో కలిసి పనిచేయడం చాలా సంతోషంగా ఉందని ఆమె పేర్కొంది. త‌న‌ను చూసి త‌న తండ్రి గర్వపడేలా చేస్తానని తెలిపింది. కాగా, ఈ సినిమా మైత్రీ మూవీ మేకర్స్, జీఎంబీ ఎంటర్‌టైన్‌మెంట్, 14 రీల్స్‌ ప్లస్‌ బ్యానర్‌లపై నిర్మిత‌మ‌వుతోంది. ఈ సినిమా చిత్రీకరణ ముగింపు దశకి చేరుకుంది. ఈ సినిమాలో హీరోయిన్‌గా కీర్తి సురేశ్ న‌టిస్తోంది. ఈ సినిమాకి తమన్ సంగీతం అందించాడు. ఈ పాట ఈ రోజు విడుద‌ల కానుంది.
