Raviteja: న్యూ ఇయర్ స్పెషల్ గా కొత్త పోస్టర్ల సందడి!
- రిలీజ్ కి రెడీగా ఉన్న 'హైవే'
- ముగింపు దశలో 'ఆడవాళ్లు మీకు జోహార్లు'
- ఫిబ్రవరి 11న రానున్న 'ఖిలాడి'
- ఏప్రిల్ 29న 'ఎఫ్ 3' విడుదల
తెలుగులో ఎక్కడ చూసినా సినిమాల సందడి కనిపిస్తోంది. కొన్ని సెట్స్ పైకి వెళుతుంటే .. మరికొన్ని ముగింపు దశలో ఉన్నాయి .. ఇంకొన్ని విడుదలకి ముస్తాబవుతున్నాయి. న్యూ ఇయర్ సందర్భంగా విషెస్ తెలియజేస్తూ, ఆ సినిమాల నుంచి కొత్త పోస్టర్లను వదులుతున్నారు. ఈ కొత్త పోస్టర్లన్నీ కూడా ఆ సినిమాలపై మరింత ఆసక్తిని పెంచుతున్నాయి.
వెంకటేశ్ - వరుణ్ తేజ్ కథానాయకులుగా అనిల్ రావిపూడి రూపొందిస్తున్న 'ఎఫ్ 3' సినిమా, చిత్రీకరణ పరంగా ముగింపు దశకి చేరుకుంది. తమన్నా - మెహ్రీన్ నాయికలుగా సందడి చేయనున్న ఈ సినిమాను ఏప్రిల్ 29వ తేదీన విడుదల చేయనున్నారు. ఇక రవితేజ హీరోగా రమేశ్ వర్మ రూపొందించిన 'ఖిలాడి'ని ఫిబ్రవరి 11వ తేదీన విడుదల చేయనున్నారు.
శర్వానంద్ తాజా ప్రాజెక్టు 'ఆడవాళ్లు మీకు జోహార్లు' సెట్స్ పైనే ఉంది. కిషోర్ తిరుమల దర్శకత్వం వహిస్తున్న ఈ సినిమాలో కథానాయికగా రష్మిక కనువిందు చేయనుంది. ఖుష్బూ .. రాధిక .. ఊర్వశి ముఖ్యమైన పాత్రల్లో కనిపించనున్నారు.
ఆనంద్ దేవరకొండ కూడా ఈ మధ్య బాగానే దూకుడు పెంచాడు. ఆయన హీరోగా కేవీ గుహన్ తెరకెక్కించిన 'హైవే' కూడా త్వరలో ప్రేక్షకులను పలకరించనుంది. వెంకట్ తలారి నిర్మిస్తున్న ఈ సినిమాలో కథానాయికగా మానస రాధాకృష్ణన్ అలరించనుండగా, కీలకమైన పాత్రలో సయామీ ఖేర్ కనిపించనుంది.
. 