Balakrishna: రేపు 'అఖండ' నుంచి ట్రైలర్ రిలీజ్!
- బోయపాటి నుంచి మరో యాక్షన్ మూవీ
- డిఫరెంట్ లుక్స్ తో బాలకృష్ణ
- ప్రతినాయకుడిగా శ్రీకాంత్
- డిసెంబర్లో రిలీజ్ చేసే ఛాన్స్
బాలకృష్ణ - బోయపాటి కాంబినేషన్లో 'అఖండ' సినిమా రూపొందింది. మిరియాల రవీందర్ రెడ్డి నిర్మించిన ఈ సినిమాలో, బాలకృష్ణ రెండు డిఫరెంట్ లుక్స్ తో కనిపించనున్నాడు. ఈ సినిమాను డిసెంబర్ 2వ తేదీన విడుదల చేసే అవకాశం ఉన్నట్టుగా చెప్పుకుంటున్నారు. ఈ నేపథ్యంలో ఈ సినిమా నుంచి ట్రైలర్ ను రిలీజ్ చేయడానికి ముహూర్తాన్ని ఖరారు చేశారు.
రేపు రాత్రి 7:09 నిమిషాలకు ట్రైలర్ ను రిలీజ్ చేయనున్నారు. ఈ విషయాన్ని అధికారిక పోస్టర్ ద్వారా తెలియజేశారు. కథానాకయికగా ప్రగ్యా జైస్వాల్ అలరించనుంది. ఇక ఈ సినిమాలో ప్రతినాయకుడి పాత్రను శ్రీకాంత్ పోషించగా, కీలకమైన పాత్రలో జగపతిబాబు కనిపించనున్నాడు. తమన్ సంగీతాన్ని అందించిన ఈ సినిమాపై భారీ అంచనాలు ఉన్నాయి. ఆ అంచనాలను ఈ సినిమా ఎంతవరకూ అందుకుంటుందో చూడాలి
. 