Sharmila: ప్రజల కష్టాలు స్వయంగా తెలుసుకోబోతున్నాను: ష‌ర్మిల
- ప్రజాప్రస్థానం 11వ రోజు కొన‌సాగుతోంది
- ఇబ్ర‌హీంప‌ట్నం నియోజకవర్గంలో చేస్తున్నాను
- సాయంత్రం చీదేడు గ్రామంలో మాట-ముచ్చట
వైఎస్సార్‌టీపీ అధ్య‌క్షురాలు ష‌ర్మిల పాదయాత్ర కొన‌సాగిస్తున్నారు. ఈ విషయంపై ఆమె స్పందిస్తూ వివ‌రాలు తెలిపారు. 'ప్రజాప్రస్థానం 11వ రోజు కొన‌సాగుతోంది. ఇబ్ర‌హీంప‌ట్నం నియోజకవర్గంలోని జాపాల్ గ్రామం నుంచి ఎల్లమ్మ తండా, రంగాపూర్, జలాల్ మియా పల్లి మీదుగా పాదయాత్ర సాగుతోంది. సాయంత్రం చీదేడు గ్రామంలో మాట-ముచ్చట నిర్వహించి, ప్రజల కష్టాలు స్వయంగా తెలుసుకోబోతున్నాను' అని ఆమె ట్విట్ట‌ర్ ద్వారా తెలిపారు.
ష‌ర్మిల పాద‌యాత్ర‌పై వైఎస్సార్‌టీపీ కూడా ఓ ప్ర‌క‌ట‌న చేసింది. '11వ రోజు ఇబ్ర‌హీంప‌ట్నం నియోజకవర్గంలోని జాపాల్ గ్రామంలో ప్రజాప్రస్థానం మహాపాదయాత్ర ఘనంగా ప్రారంభమైంది. షర్మిలక్క పాదయాత్రకు ప్రజలు భారీగా తరలివచ్చారు. జాపాల్ గ్రామం నుంచి ఎల్లమ్మ తండా, రంగాపూర్, జలాల్ మియాపల్లి మీదుగా పాదయాత్ర సాగుతోంది' అని పేర్కొంది.
