Mahesh Babu: భారీ యాక్షన్ సీన్స్ కోసం స్పెయిన్ కి వెళ్లిన 'సర్కారువారి పాట'
- వరుస విజయాలతో ఉన్న మహేశ్
- 'సర్కారువారి పాట'పై భారీ అంచనాలు
- ప్రతినాయకుడిగా సముద్రఖని
- జనవరి 13వ తేదీన విడుదల
మహేశ్ బాబు వరుస విజయాలతో దూకుడు మీద ఉన్నాడు. అందువలన ఆయన తాజా చిత్రమైన 'సర్కారువారి పాట'పై భారీ అంచనాలు ఉన్నాయి. ఇంతవరకూ హైదరాబాద్ .. దుబాయ్ .. గోవాలలో ఈ సినిమా షూటింగుని జరుపుతూ వచ్చారు. తదుపరి షెడ్యూల్ ను 'స్పెయిన్' లో ప్లాన్ చేశారు. ఇప్పటికే మహేశ్ బాబుతో పాటు ఈ సినిమా టీమ్ అక్కడికి చేరుకుంది.
వచ్చేవారం నుంచి అక్కడ షూటింగు మొదలుకానుంది. భారీ యాక్షన్ ఎపిసోడ్స్ ను అక్కడ చిత్రీకరించనున్నట్టు చెబుతున్నారు. ఈ నెల చివరివరకూ అక్కడే షూటింగు జరుగుతుందని అంటున్నారు. దాంతో 75 శాతం చిత్రీకరణ పూర్తవుతుందని చెబుతున్నారు.
ఆ తరువాత హైదరాబాద్ లో చివరి షెడ్యూల్ షూటింగును జరపుతారట. కీర్తి సురేశ్ కథానాయికగా నటిస్తున్న ఈ సినిమాలో, ప్రతినాయకుడిగా సముద్రఖని కనిపించనున్నాడు. 'సంక్రాంతి' పండుగ సందర్భంగా జనవరి 13వ తేదీన ఈ సినిమాను ప్రపంచవ్యాప్తంగా విడుదల చేయనున్నారు.
