Roja: రోజా కుమార్తె అన్షుకు అరుదైన గౌర‌వం!
- ఇన్‌ఫ్లుయ‌న్స‌ర్-యూకే మ్యాగజైన్ కవర్ పేజీపై ఫొటో
- క్వీన్ ఆఫ్ టాలెంట్ గా పేర్కొన్న మ్యాగజైన్
- ఓ రచయిత్రిగా, వ్య‌వ‌స్థాప‌కురాలిగా, ప్రోగ్రామర్‌గా కృషి
- యంగ్ సూపర్ స్టార్ అవార్డుకు ఎంపిక
వైసీపీ నాయ‌కురాలు, నగరి ఎమ్మెల్యే రోజా కుమార్తె అన్షు మాలిక ఫొటో 'ఇన్‌ఫ్లుయ‌న్స‌ర్-యూకే' మ్యాగజైన్ కవర్ పేజీకి ఎక్కింది. క్వీన్ ఆఫ్ టాలెంట్ గా పేర్కొంటూ అన్షు ఫొటోను ప్రచురించారు. ఓ రచయిత్రిగా, వ్య‌వ‌స్థాప‌కురాలిగా, ప్రోగ్రామర్‌గా సమాజం కోసం ప‌ని చేస్తోన్న విద్యార్థినిగా ఆమె కృషిని ప్ర‌శంసిస్తూ ఈ ప్ర‌ఖ్యాత మ్యాగజైన్ ఆమెను యంగ్ సూపర్ స్టార్ అవార్డుకు ఎంపిక చేసింది.
త‌న‌కు ఈ అవార్డు రావ‌డం ప‌ట్ల అన్షు స్పందించింది. తన కల నెలవేరిందని తెలిపింది. అక్టోబ‌రు మ్యాగ‌జైన్‌లో ఆమెకు సంబంధించిన పూర్తి వివ‌రాల‌ను చ‌దువుకోవ‌చ్చ‌ని పేర్కొంది. రోజాకు కుమార్తె అన్షుతో పాటు కుమారుడు కృష్ణ లోహిత్ కూడా ఉన్న విష‌యం తెలిసిందే.
