Taliban: తాలిబ‌న్లు తీవ్రంగా కొట్టారు: టోలో న్యూస్ జ‌ర్న‌లిస్టు

• జ‌ర్న‌లిస్టు చ‌నిపోయాడ‌ని వ‌దంతులు
• దానిపై స్ప‌దించిన టోలో న్యూస్ ఛానెల్ రిపోర్ట‌ర్
• తాను చ‌నిపోలేద‌ని ప్ర‌క‌ట‌న‌

---

ఆఫ్ఘనిస్థాన్‌ను తాలిబన్లు స్వాధీనం చేసుకున్న నేప‌థ్యంలో ఆ దేశంలో అక్ర‌మాలు పెరిగిపోతోన్న విష‌యం తెలిసిందే. ఈ నేప‌థ్యంలో తాలిబన్లు టోలో న్యూస్ జర్నలిస్టును హత్య చేశారని, ఈ మేర‌కు మీడియాకు సమాచారం అందిందంటూ వ‌దంతులు వ్యాపిస్తున్నాయి.

కాబూల్ విమానాశ్రయం ఎదుట ఈ హత్య జ‌రిగింద‌ని అస‌త్య‌ ప్ర‌చారం జ‌రుగుతోంది. ఈ వ‌దంతుల‌పై స‌దరు జ‌ర్న‌లిస్ట్ స్పందించారు. త‌న‌ను తాలిబ‌న్లు తీవ్రంగా కొట్టార‌ని ఆయ‌న చెప్పారు. అంతేగానీ, తాను చ‌నిపోలేద‌ని వ్యాఖ్యానించారు. ప్రజాస‌మ‌స్య‌ల‌ను జ‌ర్న‌లిస్టు వివ‌రిస్తోన్న స‌మ‌యంలో ఆయ‌న‌ను తాలిబ‌న్లు కొట్టిన‌ట్లు తెలుస్తోంది. తాలిబ‌న్ల దాడిలో మ‌రికొంద‌రు జ‌ర్న‌లిస్టులూ గాయ‌ప‌డిన‌ట్లు స‌మాచారం.