Sushil Kumar: రెజ్లర్ సుశీల్ కుమార్ రిమాండును పొడిగించిన ఢిల్లీ కోర్టు
- యువ రెజ్లర్ సాగర్ హత్యకేసులో సుశీల్ అరెస్ట్
- ఈ నెల 23న 6 రోజుల రిమాండ్ విధించిన కోర్టు
- నేటితో ముగిసిన రిమాండ్
- సుశీల్ ను కోర్టులో హాజరుపరిచిన పోలీసులు
- 4 రోజుల పాటు రిమాండ్ పొడిగింపు
వర్ధమాన రెజ్లర్ సాగర్ రాణా హత్య కేసులో అరెస్టయిన రెజ్లర్ సునీల్ కుమార్ రిమాండ్ ను ఢిల్లీ కోర్టు పొడిగించింది. సుశీల్ కుమార్ కు మరో 4 రోజుల పాటు పోలీస్ కస్టడీ విధిస్తూ నిర్ణయం తీసుకుంది. ఈ హత్యకేసులో సుశీల్ తో పాటు అరెస్టయిన అజయ్ కి కూడా రిమాండ్ పొడిగించింది.
ఈ నెల 23న సుశీల్ కుమార్ కు 6 రోజుల రిమాండ్ విధించగా, అది నేటితో ముగిసింది. దాంతో సుశీల్ కుమార్ ను పోలీసులు కోర్టులో హాజరుపరిచారు. పోలీసులు 7 రోజుల కస్టడీ కోరగా కోర్టు 4 రోజులకే అనుమతించింది. కరోనా నేపథ్యంలో ప్రతి 24 గంటలకు ఒకసారి సుశీల్ కుమార్ కు మెడికల్ చెకప్ చేయించాలని కోర్టు ఢిల్లీ పోలీసులను ఆదేశించింది. 4 రోజుల రిమాండ్ సందర్భంగా సుశీల్ కుమార్ ను ఆయన తరఫు న్యాయవాది కలవొచ్చని పేర్కొంది.
