nitin: నితిన్ కొత్త సినిమా టైటిల్, ఫస్ట్ లుక్ విడుదల
- 'మాస్ట్రో' టైటిల్ ఖ‌రారు
- అల‌రిస్తోన్న నితిన్ ఫస్ట్ లుక్
- జూన్ 11న విడుదల
టాలీవుడ్ యంగ్ హీరో నితిన్ వరుస‌గా సినిమాల్లో న‌టిస్తూ దూసుకుపోతున్నాడు. చెక్‌, రంగ్‌దే సినిమాల త‌ర్వాత ఆయ‌న న‌టిస్తోన్న సినిమా టైటిల్, ఫస్ట్ లుక్ ఈ రోజు విడుద‌ల‌య్యాయి. నితిన్ పుట్టిన‌రోజు సంద‌ర్భంగా ఈ లుక్ విడుదల చేశారు. ఈ సినిమాకు 'మాస్ట్రో' టైటిల్‌ను ఖ‌రారు చేశారు. నితిన్ ఫస్ట్ లుక్ అల‌రిస్తోంది.
బాలీవుడ్ హిట్ సినిమా అంధాధున్ ను తెలుగులో మాస్ట్రో పేరుతో రీమేక్ చేస్తున్నారు. మేర్లపాక గాంధీ దర్శకత్వంలో రూపుదిద్దుకుంటున్న ఈ సినిమాకు నితిన్ తండ్రి సుధాకర్ రెడ్డి, సోదరి నికితా రెడ్డి నిర్మాతలుగా వ్యహరిస్తున్నారు. ఇందులో నభా నటేశ్, తమన్నా కీల‌క పాత్రల్లో నటిస్తున్నారు. ఈ సినిమాను జూన్ 11న విడుదల చేయ‌నున్నారు. ఈ సినిమాకు మహతీసాగర్ సంగీతం అందిస్తున్నారు.
