Jagan: వైఎస్సార్ కాంగ్రెస్ పార్టీ స్థాపించి ప‌దేళ్లు.. జ‌గ‌న్ స్పంద‌న
- మహానేత ఆశయ సాధనే లక్ష్యంగా పార్టీ
- విలువలు, విశ్వసనీయతల పునాదులపై ఏర్పాటు
- ఈ పదేళ్ల ప్రయాణంలో కష్ట సుఖాల్లో నాకు అండగా నిలిచారు
- ప్రజలు, నాయకులు, కార్యకర్తలకు ధన్యవాదాలు
ఆంధ్ర‌ప్ర‌దేశ్‌లో యువజన శ్రామిక రైతు (వైఎస్ఆర్) కాంగ్రెస్ పార్టీ స్థాపించి నేటికి ప‌దేళ్లు నిండాయి. ఈ సందర్భంగా పార్టీ ఆవిర్భావ దినోత్సవ వేడుకలను జ‌రుపుకుంటున్నారు. 11వ వ‌సంతంలోకి అడుగుపెడుతోన్న వైసీపీ ప్ర‌స్థానాన్ని ఆ పార్టీ నేత‌లు, కార్య‌క‌ర్త‌లు గుర్తు చేసుకుంటున్నారు. ఆంధ్ర‌ప్ర‌దేశ్ వ్యాప్తంగా అన్ని ప్రాంతాల్లో వైసీపీ శ్రేణులు సంబ‌రాలు చేసుకుంటున్నారు.
ఈ నేప‌థ్యంలో ఆ పార్టీ అధినేత, ఏపీ సీఎం జ‌గ‌న్ ట్వీట్ చేశారు. 'మహానేత ఆశయ సాధనే లక్ష్యంగా, విలువలు విశ్వసనీయతల పునాదులపై వైఎస్సార్ కాంగ్రెస్ పార్టీ పురుడు పోసుకుంది. ఈ పదేళ్ల ప్రయాణంలో కష్ట సుఖాల్లో నాకు అండగా నిలిచిన ప్రజలకు, నాతో కలిసి నడిచిన నాయకులకు, నా వెన్నంటి ఉన్న కార్యకర్తలకు ధన్యవాదాలు తెలియజేస్తున్నాను' అని జ‌గ‌న్ పేర్కొన్నారు.
