kgf: 'కేజీఎఫ్ 2' నుంచి కొత్త పోస్టర్ విడుదల
- ప్రశాంత్‌ నీల్‌ దర్శకత్వంలో కేజీఎఫ్
- కేజీఎఫ్ 2 పై భారీ అంచనాలు
- యశ్ లుక్ విడుదల
- వచ్చేనెల 8న ఉదయం 10.38కి టీజర్
ప్రశాంత్‌ నీల్‌ దర్శకత్వంలో వచ్చిన పీరియాడికల్‌ ఎంటర్‌టైనర్ ‘కేజీఎఫ్’ ఘన విజయం సాధించిన విషయం తెలిసిందే. ప్రస్తుతం కేజీఎఫ్ చాప్టర్-2 రూపుదిద్దుకుంటోంది. ఈ సినిమాలో యశ్‌కు సంబంధించిన మరో పోస్టర్‌ను చిత్ర బృందం ఈ రోజు విడుదల చేసింది.
‘కేజీఎఫ్ ఛాప్టర్‌ 2’ సినిమాలో ప్రధాన ప్రతినాయకుడు అధీరా లుక్ ప్రేక్షకుల్లో సినిమాపై అంచనాలు పెంచినట్లే.. ఈ కొత్త లుక్ కూడా అదుర్స్ అనిపిస్తోంది. ఈ సినిమా టీజర్‌ను వచ్చేనెల 8న ఉదయం 10.38కి విడుదల చేస్తామని సినిమా బృందం ప్రకటించింది.
కాగా, ఈ సినిమా షూటింగ్ దాదాపు పూర్తయింది. ఈ సినిమా మొదటి భాగం చివరలో అధీరా పాత్ర గురించి వివరించి, అధీరా రెండో భాగంలో వస్తాడని సూచించారు. రెండో భాగం కోసం ప్రేక్షకులు చాలా ఆసక్తిగా ఎదురుచూస్తున్నారు. ఈ సినిమా షూటింగ్ లో సంజయ్ దత్ కొన్ని రోజుల పాటు పాల్గొన్నాడు. దాంతో ఆయన షూటింగ్ ఇటీవలే ముగిసింది. ఈ సినిమా ఎప్పుడు విడుదల అవుతుందన్న విషయంపై మాత్రం ఇంకా స్పష్టత రాలేదు. ఈ సినిమాపై తెలుగులోనూ భారీ అంచనాలున్నాయి.
