Narendra Modi: ప్రధాని నరేంద్రమోదీ వ్యక్తిగత ట్విట్టర్ ఖాతాను హ్యాక్ చేసిన సైబర్ నేరగాళ్లు
- వెబ్‌సైట్, మొబైల్ యాప్ ఖాతాల హ్యాక్
- దర్యాప్తు ప్రారంభించిన ట్విట్టర్
- జులైలో పలువురి ప్రముఖుల ఖాతాలను హ్యాక్ చేసిన దుండగులు
ప్రధానమంత్రి నరేంద్రమోదీ వ్యక్తిగత ట్విట్టర్ వెబ్‌సైట్, మొబైల్ యాప్ ఈ తెల్లవారుజామున హ్యాక్‌కు గురయ్యాయి. ఈ విషయాన్ని ట్విట్టర్ నిర్ధారించింది. దీనిపై దర్యాప్తు ప్రారంభించినట్టు ట్విట్టర్ ప్రతినిధులు పేర్కొన్నారు. మోదీ ట్విట్టర్ ఖాతా ఈ తెల్లవారుజామున 3.15 గంటల సమయంలో హ్యాక్ అయినట్టు తెలిపింది. హ్యాక్ అయిన మోదీ ఖాతాకు 2.5 మిలియన్ల మంది ఫాలోవర్లు ఉన్నారు.
జులైలో పలువురు ప్రముఖుల ట్విట్టర్ ఖాతాలు హ్యాక్‌కు గురవడం సంచలనమైంది. ఆ తర్వాత ఇప్పుడు ఏకంగా మోదీ ట్విట్టర్ ఖాతా హ్యాక్ కావడం కలకలం రేపుతోంది. జులైలో హ్యాక్‌కు గురైన ట్విట్టర్ ఖాతాల్లో అమెరికా అధ్యక్ష అభ్యర్థి జో బైడెన్, మాజీ అధ్యక్షుడు బరాక్ ఒబామా, బిలియనీర్ ఎలాన్ మస్క్ వంటి వారివి ఉన్నాయి.
