Bigg Boss: బిగ్ బాస్ నాలుగో సీజన్ హౌస్ ఇదే... ప్రిపరేషన్స్ జరుగుతున్న వీడియో ఇదిగో!
- చకచకా జరుగుతున్న ఏర్పాట్లు
- 100 రోజులు సాగనున్న పోటీ
- కంటెస్టెంట్లుగా సెలబ్రిటీలు
టాలీవుడ్ బిగ్ బాస్ సీజన్-4కు ఏర్పాట్లు చకచకా జరిగిపోతున్నాయి. ఇప్పటికే త్వరలోనే ఈ కార్యక్రమం ప్రసారం అవుతుందన్న ప్రోమో కూడా విడుదల కాగా, ఇప్పుడు హౌస్ లో జరుగుతున్న ఏర్పాట్లకు సంబంధించిన చిత్రాలు వైరల్ అవుతున్నాయి. ఈ నెల 30 నుంచి నాలుగో సీజన్ ప్రారంభమై, దాదాపు 100 రోజుల పాటు జరుగుతుందని తెలుస్తుండగా, కంటెస్టెంట్లుగా చాలామంది సెలబ్రిటీల పేర్లే వినిపిస్తున్నాయి.
సినిమా షూటింగ్ లు కరోనా,లాక్ డౌన్ కారణంగా ఆగిపోవడంతో పలువురు ప్రముఖులు ఈ సీజన్ హౌస్ లోకి వెళ్లనున్నారని, దీంతో ఈ ప్రోగ్రామ్ రక్తి కడుతుందని అంచనా. ఇక నాలుగో సీజన్ హౌస్ ఎలా ఉండబోతుందో, అక్కడ ఎటువంటి ఏర్పాట్లు జరుగుతున్నాయో ఈ వీడియోను చూసి మీరూ తెలుసుకోవచ్చు.
