RGV: 'పవర్ స్టార్' నుంచి 'గడ్డి తింటావా?' పాట నేడు విడుదల.. ఆసక్తికర పోస్టర్లు విడుదల చేసిన వర్మ
- విడుదలకు సిద్ధమవుతున్న పవర్ స్టార్ సినిమా
- సాయంత్రం ఐదు గంట‌ల‌కు ఈ పాట విడుదల చేస్తానన్న వర్మ
- ఫాంహౌస్‌లో తన గేదెలను ఉద్దేశించి హీరో పాట పాడతారు
వివాదాస్పద దర్శకుడు రామ్‌ గోపాల్ వర్మ 'పవర్ స్టార్' పేరిట ఓ సినిమా తీస్తోన్న విషయం తెలిసిందే. ఈ సినిమా నుంచి ఆయన మరో పోస్టర్‌ను విడుదల చేశారు. ఈ పోస్టర్‌లో కనపడుతున్న పాత్ర నిజజీవితంలో ఎవరినైనా పోలి ఉందా? అని ఆయన ప్రశ్నించారు. ఈ పోస్టర్‌లో పవర్ స్టార్‌కు భక్తుడైన ఓ నిర్మాత కొబ్బరికాయ కొట్టి పట్టుకొస్తున్నట్లు ఉంది.
అలాగే, ఈ సినిమాలోని 'గడ్డి తింటావా?' అనే పాటను ఈ రోజు సాయంత్రం ఐదు గంట‌ల‌కు విడుదల చేయనున్నట్లు ప్రకటించారు. ఈ సినిమాలోని హీరో తన ఫాంహౌస్‌లో తన గేదెలు, చెట్లను ఉద్దేశిస్తూ ఈ పాట పాడతాడ‌ని వర్మ తెలిపారు. కాగా, ఈ సినిమా విడుదలకు సిద్ధమవుతోంది. ఈ నెల 25న ఈ సినిమాను ఆర్జీవీ వరల్డ్‌ థియేటర్‌లో విడుదల చేస్తానని వర్మ ప్రకటించిన విషయం తెలిసిందే.
