Corona Virus: ఇవి కూడా కరోనా లక్షణాలే కావొచ్చు... మరో ఆరింటిని జాబితాలో చేర్చిన సీడీసీ

• జలుబు, జ్వరం, దగ్గు ప్రధానలక్షణాలుగా గుర్తింపు
• గొంతునొప్పి, చలి, కళ్ల మంటలతో జాగ్రత్తగా ఉండాలంటున్న సీడీసీ
• కండరాల నొప్పులు కరోనా సంకేతాలు కావొచ్చని వివరణ

---

దేశంలో గత కొన్నివారాలుగా నిత్యం వెయ్యికి పైగా కరోనా పాజిటివ్ కేసులు నమోదవుతున్నాయి.  కరోనా లక్షణాలు అంటే ప్రధానంగా జలుబు, దగ్గు, జ్వరం అని భావిస్తూ వచ్చారు. అయితే సెంటర్ ఫర్ డిసీజ్ కంట్రోల్ అండ్ ప్రివెన్షన్ (సీడీసీ) తాజాగా మరో 6 అంశాలను కూడా కరోనా లక్షణాల జాబితాలో చేర్చింది.

• రుచిని గుర్తించలేకపోవడం, వాసన చూసే శక్తి సన్నగిల్లడం.
• చలి, వణుకు
• కండరాల నొప్పులు
• తలనొప్పి
• కళ్లు ఎర్రబారడం
• గొంతు నొప్పి

ఈ లక్షణాలు ఉన్నా కరోనాగా అనుమానించాల్సి ఉంటుందని సీడీసీ పేర్కొంది. ముఖ్యంగా, 60 శాతం కరోనా కేసుల్లో పొడిదగ్గుతో పాటు గొంతు నొప్పి కూడా కనిపించిందని వివరించింది. కణత, కనురెప్పలు సైతం నొప్పిగా ఉండడం కరోనా లక్షణమేనని తెలిపింది.