Ram: సినిమా కబుర్లు.. సంక్షిప్త సమాచారం

 *  రామ్ హీరోగా కిషోర్ తిరుమల దర్శకత్వంలో రూపొందుతున్న 'రెడ్' చిత్రంలో అందాలభామ హెబ్బా పటేల్ కూడా నటిస్తోంది. ఒక ప్రత్యేక పాటలో హెబ్బా కనిపిస్తుందని సమాచారం. ప్రస్తుతం ఈ పాటను రామ్, హెబ్బా జంటపై రామోజీ ఫిలిం సిటీలో చిత్రీకరిస్తున్నారు.

*  రాజమౌళి దర్శకత్వంలో ఎన్టీఆర్, చరణ్ హీరోలుగా రూపొందుతున్న 'ఆర్ఆర్ఆర్' చిత్రం ప్రీ రిలీజ్ బిజినెస్ సరికొత్త రికార్డులు నెలకొల్పుతోంది. ఇప్పటికే పలు ఏరియాలలో అత్యధిక ధరకు బిజినెస్ జరుపుకుంది. ఈ క్రమంలో ఈ చిత్రం సీడెడ్ హక్కులు తాజాగా 35 కోట్లకు అమ్ముడు పోవడం విశేషం. ఈ ప్రాంతంలో ఇది ఓ రికార్డనే చెప్పాలి.

*  ఇటీవల ప్రభాస్ తో చేసిన 'సాహో' సినిమా సక్సెస్ కాకపోవడంతో బాలీవుడ్ భామ శ్రద్ధ కపూర్ తెలుగు సినిమాల మీద ఆసక్తి చూపడం లేదట. తెలుగు నుంచి మంచి పారితోషికం ఆఫర్ చేస్తూ పలు ఆఫర్లు వెళుతున్నప్పటికీ అమ్మడు చేయనని చెబుతోందట.