Paritala Ravi: పరిటాలవారి పెళ్లిసందడి.. ఫొటోలు ఇవిగో!
- పరిటాల రవి, సునీత దంపతుల రెండో కుమారుడి వివాహం
- ఈ సాయంత్రం 6 గంటలకు వివాహ రిసెప్షన్
- హాజరుకానున్న నారా లోకేశ్, మోహన్ బాబు
దివంగత తెలుగుదేశం పార్టీ నేత పరిటాల రవీంద్ర, మాజీ మంత్రి పరిటాల సునీత దంపతుల ఇంట పెళ్లి సందడి మొదలైంది. వీరి రెండో కుమారుడు పరిటాల సిద్ధార్థ వివాహం తేజస్వితో జరగబోతోంది. ఈ సాయంత్రం 6 గంటలకు అనంతపురం జిల్లా రామగిరి మండలంలోని నసనకోట సమీపంలో ఉన్న తిరుమల దేవర ఆలయంలో వివాహ రిసెప్షన్ ను నిర్వహించనున్నారు.
ఈ కార్యక్రమానికి టీడీపీ నేత నారా లోకేశ్, సినీ నటుడు మోహన్ బాబు, ఆయన కుటుంబసభ్యులతో పాటు పలువురు టీడీపీ నేతలు హాజరుకానున్నారు. రేపు వివాహం జరగనుంది. ఈ నేపథ్యంలో, సిద్ధార్థను పెళ్లికుమారుడిని చేయడం, పెళ్లిపందిరి వంటి కార్యక్రమాలను శాస్త్రోక్తంగా నిర్వహించారు. సిద్ధార్థను ఆయన తల్లి సునీత, అన్న శ్రీరామ్, వదిన జ్ఞాన ఆశీర్వదించారు.
