Antarkitika: మంచు ఖండంలో రికార్డు వేడి... శాస్త్రవేత్తల ఆందోళన!
- అంటార్కిటికాలో పెరిగిన వేడి
- తొలిసారిగా 20.75 డిగ్రీల సెల్సియస్
- అధ్యయనం చేస్తున్నామన్న శాస్త్రవేత్తలు
భువిపై అత్యంత చల్లటి ప్రదేశమైన అంటార్కిటికా ఖండంలో రికార్డు స్థాయి ఉష్ణోగ్రతలు నమోదుకావడం శాస్త్రవేత్తలను కలవరపెడుతోంది. అంటార్కిటికా ఉత్తరాగ్రంలో ఉన్న సైమోర్ ద్వీపంలో తొలిసారిగా 20.75 డిగ్రీల ఉష్ణోగ్రత నమోదైంది. ఈ ఖండంలో గత రికార్డు 19 డిగ్రీల సెల్సియస్ కాగా, ఇప్పుడా రికార్డు బద్దలైంది. ఇక, వాతావరణ మార్పుల కారణంగానే వేడిమి పెరిగిందని చెప్పలేమని సైంటిస్టులు అభిప్రాయపడుతున్నారు. ఉష్ణోగ్రతలు పెరగడం ఆందోళన కలిగిస్తోందని, ఇక్కడి వాతావరణ పరిస్థితులపై అధ్యయనం చేస్తున్నామని వెల్లడించారు.
