George Reddy: జార్జి రెడ్డి ప్రీరిలీజ్ వేడుకకు అనుమతి నిరాకరణ... పవన్ వస్తే శాంతిభద్రతల సమస్య తలెత్తుతుందన్న పోలీసులు
- విద్యార్థి నేత జీవితకథతో జార్జి రెడ్డి బయోపిక్
- నవంబరు 22న రిలీజ్
- ప్రీరిలీజ్ వేడుకకు ముఖ్య అతిథిగా పవన్ కల్యాణ్
ఉస్మానియా విశ్వవిద్యాలయం విద్యార్థి నాయకుడు జార్జిరెడ్డి జీవితకథ ఆధారంగా తెరకెక్కిన చిత్రం జార్జి రెడ్డి. ఈ బయోపిక్ నవంబరు 22న ప్రేక్షకుల ముందుకు రానుంది. అయితే ఈ సినిమా ప్రీరిలీజ్ వేడుకకు పోలీసులు అనుమతి నిరాకరించారు. ఈ సినిమా ప్రీ రిలీజ్ కార్యక్రమం హైదరాబాద్ నెక్లెస్ రోడ్ లోని పీపుల్స్ ప్లాజాలో రేపు నిర్వహించేందుకు చిత్రబృందం పోలీసుల అనుమతి కోరింది. అయితే, ఈ కార్యక్రమానికి పవర్ స్టార్ పవన్ కల్యాణ్ ముఖ్య అతిథిగా రానుండడంతో శాంతిభద్రతల సమస్య తలెత్తుతుందని పోలీసులు అనుమతి నిరాకరించారు. పవన్ వస్తే అభిమానులు, విద్యార్థులు పెద్ద సంఖ్యలో హాజరవుతారని, వారిని నియంత్రించడం కష్టమవుతుందని పోలీసులు భావిస్తున్నట్టు తెలిసింది.
