Republican Party of India: మహారాష్ట్ర ముఖ్యమంత్రిగా దేవేంద్ర ఫడ్నవీస్‌కే మా మద్దతు: కేంద్ర మంత్రి రాందాస్ అథవాలే
- బీజేపీ, శివసేన కూటమికి స్పష్టమైన మెజార్టీ దక్కింది
- ఇప్పటికే బీజేపీ శాసన సభాపక్ష నేతగా ఫడ్నవీస్ ఎన్నిక
- మహారాష్ట్రలో ప్రభుత్వ ఏర్పాటు విషయంలో అథవాలే కీలక వ్యాఖ్యలు
మహారాష్ట్రలో ముఖ్యమంత్రి పదవీకాలాన్ని చెరిసగం పంచుకోవాలని బీజేపీని శివసేన డిమాండ్ చేస్తుండడంతో ఆ రాష్ట్రంలో ప్రభుత్వ ఏర్పాటు విషయంలో సందిగ్ధత నెలకొన్న విషయం తెలిసిందే. ఈ నేపథ్యంలో కేంద్ర మంత్రి, రిపబ్లికన్ పార్టీ ఆఫ్ ఇండియా (ఆర్పీఐ) అధ్యక్షుడు రాందాస్ అథవాలే కీలక వ్యాఖ్యలు చేశారు. మహారాష్ట్ర ముఖ్యమంత్రిగా తాము బీజేపీ నేత దేవేంద్ర ఫడ్నవీస్‌కే మద్దతిస్తామంటూ స్పష్టంచేశారు.
ఈ రోజు రాందాస్ అథవాలే మీడియాతో మాట్లాడుతూ మహారాష్ట్రలో బీజేపీ, శివసేన కూటమికి స్పష్టమైన మెజార్టీ దక్కిందని, ఇప్పటికే బీజేపీ శాసన సభాపక్ష నేతగా ఫడ్నవీస్ ఎన్నికయ్యారని గుర్తు చేశారు. సీఎం పదవి కోసం ఆయనకే మద్దతు ఇవ్వాలని తాము నిర్ణయించామని చెప్పుకొచ్చారు.
