Sye Raa Narasimha Reddy Movie: 'సైరా'కు తొలగిన అడ్డంకులు.. హైకోర్టు గ్రీన్ సిగ్నల్
- సినిమా విడుదలను ఆపలేమన్న హైకోర్టు
- సినిమాను సినిమాలాగే చూడాలంటూ వ్యాఖ్య
- సినిమా చూడాలా, వద్దా అనేది ప్రేక్షకుల ఇష్టంపై ఆధారపడి ఉంటుంది
మెగాస్టార్ చిరంజీవి తాజా చిత్రం 'సైరా' విడుదలకు అడ్డంకులు తొలగిపోయాయి. సినిమా విడుదలకు తెలంగాణ హైకోర్టు గ్రీన్ సిగ్నల్ ఇచ్చింది. 'సైరా' చిత్రాన్ని తొలుత బయోపిక్ అన్నారని, ఆ తర్వాత కాదంటున్నారంటూ హైకోర్టులో పిటిషన్ దాఖలైంది.
ఈ పిటిషన్ ను విచారించిన హైకోర్టు... సినిమాను చూడాలా? వద్దా? అనేది ప్రేక్షకుల అభీష్టంపై ఆధారపడి ఉంటుందని వ్యాఖ్యానించింది. సినిమాను సినిమాలాగే చూడాలని చెప్పింది.. ఈ విషయంలో తాము జోక్యం చేసుకోలేమని... విడుదలకు ఒక రోజు ముందు సినిమాను ఆపలేమని తెలిపింది. హైకోర్టు తీర్పుతో మెగా అభిమానుల్లో ఆనందం వెల్లివిరిసింది. రేపు 'సైరా' చిత్రం భారీ స్థాయిలో విడుదల కానుంది.
