Chiranjeevi: 'సైరా' నుంచి టైటిల్ సాంగ్ వచ్చేస్తోంది
- అక్టోబర్ 2న 'సైరా' విడుదల
- కర్నూల్లో ప్రీ రిలీజ్ ఈవెంట్
- బెంగుళూర్ లోను భారీ వేడుక
చిరంజీవి కథానాయకుడిగా 'సైరా' నిర్మితమైంది. సురేందర్ రెడ్డి దర్శకత్వం వహించిన ఈ చారిత్రక చిత్రాన్ని అక్టోబర్ 2వ తేదీన విడుదల చేయనున్నారు. ఈ నేపథ్యంలో ఈ సినిమా టీమ్ ప్రీ రిలీజ్ ఈవెంట్ కి ప్లాన్ చేస్తోంది. కర్నూల్ లో ఈ వేడుకను నిర్వహించడానికి సన్నాహాలు జరుగుతున్నాయని అంటున్నారు. అయితే ఏ రోజున అనేది ఇంకా ఫిక్స్ చేయలేదు.
అయితే ఈ వేడుకకి ముందుగానే ఈ సినిమా నుంచి 'సైరా నరసింహా రెడ్డి' అనే టైటిల్ సాంగును విడుదల చేయనున్నట్టుగా సమాచారం. సిరివెన్నెల సీతారామ శాస్త్రి ఈ పాటను అద్భుతంగా రాశారనీ, 5 నిమిషాలకి పైగా ఈ పాట ఉంటుందని అంటున్నారు. మాంఛి ఊపుతో .. దేశభక్తిని ప్రేరేపిస్తూ రోమాలు నిక్కబొడిచేలా ఈ పాట సాగుతుందని చెబుతున్నారు. బెంగుళూర్ లోను భారీగా ఒక వేడుకను నిర్వహించాలనీ, ఆ తరువాత చెన్నైలో ప్రెస్ మీట్ ఏర్పాటు చేయాలనే ఆలోచనలో దర్శక నిర్మాతలు వున్నట్టుగా తెలుస్తోంది.
