Apparao: 'జబర్దస్త్' నా జీవితాన్ని మార్చేసింది: అప్పారావు
- 'జబర్దస్త్' నాకు మంచి పేరు తెచ్చింది
- సినిమాల్లోకంటే ఎక్కువ గుర్తింపు ఇచ్చింది
- 'జబర్దస్త్'కి రుణపడి ఉంటానన్న అప్పారావు
'జబర్దస్త్' కామెడీ షో ద్వారా పాప్యులర్ అయిన కమెడియన్స్ లో అప్పారావు ఒకరు. తాజా ఇంటర్వ్యూలో ఆయన మాట్లాడుతూ, "నేను చిన్న చిన్న పాత్రలు వేస్తూ ఇప్పటివరకూ ఓ రెండు వదల సినిమాలు పూర్తి చేసేవాడినేమో. కానీ అన్ని సినిమాలు చేసినా 'జబర్దస్త్' తో వచ్చిన గుర్తింపు వచ్చి ఉండేది కాదని నేను అనుకుంటున్నాను.
'జబర్దస్త్' వల్లనే నేను పాప్యులర్ అయ్యాను .. సెలబ్రిటీ అనిపించుకుంటున్నాను. ఈ రోజున నేను ఎక్కడికి వెళ్లినా అంతా సెల్ఫీలు కావాలని అడుగుతున్నారంటే, అదంతా 'జబర్దస్త్' చలవే. ఈ కార్యక్రమం ద్వారానే నాకు విదేశాల్లో స్టేజ్ షోలు చేసే అవకాశం వచ్చింది. సీరియల్స్ .. సినిమాల్లో చేసే అవకాశం వచ్చింది. నా జీవితాన్ని పూర్తిగా మార్చేసిన 'జబర్దస్త్'కి నా జీవితాంతం రుణపడి వుంటాను" అని చెప్పుకొచ్చాడు.
