Rajnath Singh: రాజ్ నాథ్ సింగ్ వ్యాఖ్యలు దురదృష్టకరం: పాకిస్థాన్
- తొలుత అణ్యాయుధాలను ప్రయోగించకూడదనే నిర్ణయం మారొచ్చన్న రాజ్ నాథ్
- రాజ్ నాథ్ వ్యాఖ్యలు బాధ్యతారహితంగా ఉన్నాయన్న పాకిస్థాన్
- పాక్ ఎంతో నిగ్రహంతో వ్యహరిస్తోందని వ్యాఖ్య
తొలుత అణ్వాయుధాలను ప్రయోగించకూడదనేని భారత్ సిద్ధాంతమని... అయితే, పరిస్థితులను బట్టి తమ నిర్ణయం మారుతుందని రక్షణ మంత్రి రాజ్ నాథ్ సింగ్ వ్యాఖ్యానించిన సంగతి తెలిసిందే. ఈ వ్యాఖ్యలపై పాకిస్థాన్ స్పందించింది. రాజ్ నాథ్ వ్యాఖ్యలు బాధ్యతా రాహిత్యంగా ఉన్నాయని... దురదృష్టకరమైనవని పాక్ విదేశాంగశాఖ ఓ ప్రకటన వెలువరించింది. ఇరు దేశాల మధ్య ఉద్రిక్త పరిస్థితులు నెలకొన్న తరుణంలో ఇలాంటి వ్యాఖ్యలు చేయడం సరికాదని తెలిపింది. అణ్వాయుధాల ప్రయోగం విషయంలో పాకిస్థాన్ ఎంతో నిగ్రహంతో వ్యవహరిస్తోందని... ఇకపై కూడా అలాగే ఉంటుందని చెప్పారు.
