Vijay Devarakonda: విజయ్ దేవరకొండతో డేటింగ్ వార్తలు.. రష్మిక స్పందన
- ఇద్దరూ డేటింగ్ చేస్తున్నారంటూ సోషల్ మీడియాలో కథనాలు
- అలాంటివేమీ లేవని తెలిపిన రష్మిక
- విజయ్ తనకు మంచి స్నేహితుడంటూ వ్యాఖ్య
విజయ్ దేవరకొండ, రష్మిక జంటగా నటించిన 'గీత గోవిందం' సినిమా సూపర్ హిట్ అయిన సంగతి తెలిసిందే. ఆ తర్వాత ఇద్దరూ కలసి దర్శకుడు భరత్ కమ్మ తెరకెక్కించిన 'డియర్ కామ్రేడ్' చిత్రంలో నటించారు. ఈ చిత్రం కూడా బాక్సాఫీస్ వద్ద సందడి చేసింది. మరోవైపు, 'డియర్ కామ్రేడ్' షూటింగ్ మొదలైనప్పటి నుంచి విజయ్, రష్మికలు డేటింగ్ చేస్తున్నారంటూ సోషల్ మీడియా కోడై కూసింది. తాజాగా ఈ అంశంపై రష్మిక క్లారిటీ ఇచ్చింది. విజయ్ దేవరకొండ తనకు మంచి స్నేహితుడు మాత్రమేనని చెప్పింది. అంతకు మించి తామిద్దరి మధ్య మరేం లేదని స్పష్టం చేసింది.
