polavaram: ‘పోలవరం’ ప్రారంభించింది వైఎస్సార్.. పూర్తి చేయబోతోంది జగన్: వైసీపీ నేత నాగిరెడ్డి
- నాడు వైఎస్సార్ అన్ని అనుమతులు తెచ్చారు
- కుడి, ఎడమ కాల్వలను తొంభై శాతం పూర్తి చేశారు
- బాబు పాలనలో ‘పోలవరం’ను పూర్తి చేయలేకపోయారు
పోలవరం ప్రాజెక్టును నాటి సీఎం వైఎస్ రాజశేఖర్ రెడ్డి ప్రారంభించారని, ఆ ప్రాజెక్టును పూర్తి చేయబోతోంది సీఎం జగన్ అని వైసీపీ రైతు విభాగం అధ్యక్షుడు నాగిరెడ్డి అన్నారు. విజయవాడలోని వైసీపీ కార్యాలయంలో ఈరోజు ఏర్పాటు చేసిన విలేకరుల సమావేశంలో ఆయన మాట్లాడుతూ, 2004లో వైఎస్ రాజశేఖర్ రెడ్డి సీఎంగా ప్రమాణం చేసిన తర్వాత ఈ ప్రాజెక్ట్ కు అన్ని రకాల అనుమతులు తీసుకువచ్చారని, కుడి, ఎడమ కాల్వలను తొంభై శాతం పూర్తి చేశారని అన్నారు.
ఈ సందర్భంగా చంద్రబాబు పాలనపై ఆయన విమర్శలు చేశారు. బాబు పాలనలో పోలవరం ప్రాజెక్టును పూర్తి చేయకుండానే పూర్తయినట్టుగా చూపించిందని విమర్శించారు. 2018 వరకు పోలవరం ప్రాజెక్టు పూర్తి చేస్తామని పదేపదే చెప్పిన మాజీ మంత్రి దేవినేని ఉమాపై ఆయన విమర్శలు చేశారు.
