Chandrababu: కాకినాడ సభలో... టీడీపీలో చేరిన మాజీ ఎంపీ హర్షకుమార్
- దురుద్దేశంతోనే చంద్రబాబుపై ఆరోపణలు
- ఎలాంటి షరతులు లేకుండా చేరా
- చంద్రబాబు ఆదేశిస్తే పోటీ చేస్తా
మాజీ ఎంపీ హర్షకుమార్ నేడు కాకినాడలో జరిగిన సభలో టీడీపీ అధినేత చంద్రబాబు సమక్షంలో టీడీపీలో చేరారు. ఈ సందర్భంగా హర్షకుమార్ మాట్లాడుతూ.. మాజీ ఎంపీ వివేకానందరెడ్డి హత్య కేసులో సాక్ష్యాలను తారుమారు చేసేందుకు ప్రయత్నించారని ఆరోపించారు. పోలీసుల విచారణలో న్యాయం జరగకపోతే అప్పుడు సీబీఐ విచారణ కోరాలని సూచించారు.
ఈ హత్యకేసులో దురుద్దేశంతోనే చంద్రబాబుపై ఆరోపణలు చేస్తున్నారని విమర్శించారు. తాను టీడీపీలో ఎలాంటి షరతులు లేకుండా చేరానని.. చంద్రబాబు ఆదేశిస్తే ప్రత్యక్ష ఎన్నికల్లో పోటీ చేస్తానని స్పష్టం చేశారు. అయితే హర్షకుమార్‌కు అమలాపురం ఎంపీ టికెట్ ఖరారైందని ప్రచారం జరుగుతోంది.
