Siddipet District: సిద్ధిపేటలో బావిలో పడ్డ కారు... వైజాగ్ వాసులకు తీవ్ర గాయాలు!
- ఈ తెల్లవారుజామున ఘటన
- అదుపుతప్పి వ్యవసాయ బావిలోకి దూసుకెళ్లిన కారు
- గాయపడిన వారిని ఆసుపత్రికి తరలించిన స్థానికులు
సిద్ధిపేట సమీపంలో అదుపుతప్పిన ఓ కారు రోడ్డు పక్కన ఉన్న బావిలో పడిపోగా, విశాఖపట్నం ప్రాంతానికి చెందిన నలుగురికి తీవ్ర గాయాలు అయ్యాయి. ఈ ఘటన నేటి తెల్లవారుజాము సమీపంలో జరిగింది. సిద్దిపేట రూరల్ మండలం గుర్రాలగొంది గ్రామ శివారు ప్రాంతంలో ఘటన జరుగగా, గాయపడిన వారిని స్థానికులు ఆసుపత్రికి తరలించారు.
విశాఖ జిల్లాకు చెందిన కొందరు ఓ శుభకార్యం నిమిత్తం సిద్దిపేటకు వెళుతుండగా ప్రమాదం జరిగింది. తాను వేగంగా నడుపుతున్న కారును డ్రైవర్ నియంత్రించలేక పోయాడని, దీంతో రహదారి పక్కనే ఉన్న వ్యవసాయ బావిలో అది పడిపోయిందని ప్రత్యక్ష సాక్షులు తెలిపారు. విషయం తెలుసుకున్న పోలీసులు వివరాలు సేకరించారు.
