Nawazuddin Siddiqui: రెచ్చిపోయిన ఫ్యాన్స్.. నటుడు నవాజుద్దీన్‌ను దగ్గరకు లాగి మరీ సెల్ఫీ
- కాన్పూరులో షూటింగ్‌లో ఉన్న నవాజుద్దీన్
- పెద్ద ఎత్తున గుమిగూడిన అభిమానులు
- సెల్ఫీల కోసం దాడి చేసినంత పనిచేసిన వైనం
మితిమీరిన అభిమానానికి ఇది పరాకాష్ట. షూటింగ్‌లో ఉన్న అభిమాన నటుడితో సెల్ఫీలు దిగేందుకు అతడిపై దాడిచేసినంత పనిచేశారు. బాలీవుడ్ నటుడు నవాజుద్దీన్ సిద్ధిఖీకి ఈ చేదు అనుభవం ఎదురైంది. ‘రాత్ అకేలీ హై’ సినిమా షూటింగ్‌ కోసం ఉత్తరప్రదేశ్‌లోని కాన్పూరు వెళ్లిన నవాజుద్దీన్‌ను చూసేందుకు అభిమానులు పెద్ద ఎత్తున గుమిగూడారు. అంతటితో ఆగక అతడితో సెల్ఫీలు దిగేందుకు ముందుకొచ్చారు. ఈ క్రమంలో కొంచెం అతి చేసిన అభిమానులు నవాజుద్దీన్‌ను మెడపట్టుకుని లాగి మరీ సెల్ఫీలు తీసుకున్నారు. దీంతో ఒక్కసారిగా కలకలం రేగింది. దీంతో వెంటనే అప్రమత్తమైన ఆయన బాడీగార్డులు అభిమానులను చెదరగొట్టారు. ఇందుకు సంబంధించిన వీడియో ఇప్పుడు సోషల్ మీడియాలో వైరల్ అవుతోంది.
