pakistan high commissioner: పాకిస్థాన్ హైకమిషనర్ కు సమన్లు జారీ చేసిన ఇండియా

15-02-2019 Fri 15:14 | National

సొహైల్ మహ్మూద్ ను పిలిపించుకున్న విజయ్ గోఖలే
పుల్వామా ఘటనపై నిరసన వ్యక్తం చేసిన విదేశాంగ కార్యదర్శి
జైషే మొహమ్మద్ పై చర్యలు తీసుకోవాలని డిమాండ్

జమ్ముకశ్మీర్ లోని పుల్వామాలో జైషే మొహమ్మద్ ఉగ్రవాది జరిపిన ఆత్మాహుతి దాడిలో 40 మందికి పైగా సీఆర్పీఎఫ్ జవాన్లు ప్రాణాలు కోల్పోయిన సంగతి తెలిసిందే. ఈ ఘటనతో దేశ వ్యాప్తంగా ఆగ్రహావేశాలు వ్యక్తమవుతున్నాయి. ఈ నేపథ్యంలో, పాకిస్థాన్ హైకమిషనర్ సొహైల్ మహ్మూద్ కు భారత్ సమన్లు జారీ చేసింది. మహ్మూద్ ను భారత విదేశాంగ కార్యదర్శి విజయ్ గోఖలే విదేశాంగ శాఖ కార్యాలయానికి పిలిపించుకున్నారు. పుల్వామాలో జరిగిన ఘటనపై ఈ సందర్భంగా తీవ్ర నిరసనను వ్యక్తం చేశారు. జైషే మొహమ్మద్ పై తక్షణమే చర్యలు తీసుకోవాలని డిమాండ్ చేశారు. పాక్ గడ్డపై నుంచి పని చేస్తున్న టెర్రరిస్టు సంస్థలను, వాటికి సహకరిస్తున్న వ్యక్తులను అణచివేయాలని సూచించారు.

#WATCH Delhi: Pakistan High Commissioner to India Sohail Mahmood(on the left) leaves from MEA. He had been summoned by Foreign Secretary Vijay Gokhale. #PulwamaAttack pic.twitter.com/0on0k0bPNX
— ANI (@ANI) February 15, 2019