Andhra Pradesh: నా సోల్ మేట్.. నా సర్వస్వం.. అనీల్ కుమార్ కు పుట్టిన రోజు శుభాకాంక్షలు!: వైఎస్ షర్మిల
- అనీల్ నాకు దేవుడిచ్చిన వరం
- తల్లి,తండ్రి, అన్నలా ప్రేమించే భర్త దొరికాడు
- ట్విట్టర్ లో స్పందించిన జగన్ సోదరి
ఏపీ ప్రతిపక్ష నేత వైఎస్ జగన్ బావ అనీల్ కుమార్ పుట్టిన రోజు నేడు. ఈ నేపథ్యంలో వైఎస్ షర్మిల తన భర్తకు పుట్టిన రోజు శుభాకాంక్షలు తెలిపారు. అనీల్ తనకు దేవుడిచ్చిన వరమని షర్మిల వ్యాఖ్యానించారు. తండ్రిలా ఆలనాపాలనా చూసి, తల్లిలా ప్రేమించి, అన్నలా కోరిన కోరికలన్నీ తీర్చే భర్త తనకు దొరికాడని సంతోషం వ్యక్తం చేశారు.
షర్మిల ఈ రోజు ట్విట్టర్ లో స్పందిస్తూ..‘నా సోల్ మేట్, నా భర్త, నా సర్వస్వం అనీల్ కుమార్ గారికి పుట్టిన రోజు శుభాకాంక్షలు. నాకు మీరు ఇచ్చిన మద్దతు, ప్రేమ నా జీవితంలోనే అత్యంత విలువైనవి’ అని ట్వీట్ చేశారు. కాగా, ఈ సందర్భంగా పలువురు నెటిజన్లు అనీల్ కుమార్ కు పుట్టిన రోజు శుభాకాంక్షలు తెలిపారు. 