kangana: 'మణికర్ణిక' ట్రైలర్ చూస్తే మతిపోయింది: తమ్మారెడ్డి భరద్వాజ
- కంగనా చేసిన క్వీన్ చూశాను
- ఆమె భూమికి జానెడు
- ఆమె నటన ఆకాశమంత
కంగనా రనౌత్ ప్రధాన పాత్రధారిగా హిందీలో 'మణికర్ణిక' చిత్రం రూపొందింది. హిందీతోపాటుగా తెలుగులోనూ ఈ సినిమా జనవరి 25వ తేదీన ప్రేక్షకుల ముందుకు రానుంది. ఈ నేపథ్యంలో నిన్న సాయంత్రం ఈ సినిమా నుంచి తెలుగు ట్రైలర్ ను రిలీజ్ చేశారు. ఈ వేదికపై తమ్మారెడ్డి భరద్వాజ మాట్లాడుతూ .. 'బాహుబలి' వంటి గొప్ప కథను అందించిన విజయేంద్ర ప్రసాద్. 'మణికర్ణిక' చిత్రానికి కథను సమకూర్చడం విశేషం.
ఈ సినిమాలో టైటిల్ రోల్ ను కంగనా పోషించారు. ఆమె చూస్తే భూమికి జానెడు లేదు .. కానీ ఆమె నటన చూస్తే ఆకాశమంత ఎత్తు వుంది. ఇంతకుముందు కంగనా చేసిన 'క్వీన్' సినిమా చూశాను. ఇప్పుడు 'మణికర్ణిక' ట్రైలర్ చూశాను .. ఈ ట్రైలర్ చూస్తుంటే మతిపోయింది. తనకి ఎవరూ సాటిలేరనే స్థాయిలో ఆమె నటించారు. ఈ సినిమాతో దర్శకుడిగా క్రిష్ తన సత్తాను మరోమారు నిరూపించుకున్నాడు. 'మణికర్ణిక' తోపాటు జనవరి 9న 'కథానాయకుడు' .. ఫిబ్రవరి 7న 'మహానాయకుడు' ప్రేక్షకుల ముందుకు రానున్నాయి. ఒకే ఏడాది క్రిష్ దర్శకత్వం వహించిన మూడు సినిమాలు విడుదలవుతుండటం విశేషం" అని చెప్పుకొచ్చారు.
