chiranjeevi: 'సైరా' సినిమాపై స్పందించిన నాగబాబు
- బ్రిటీష్ వారితో తలపడిన ఉయ్యాలవాడ
- తెలుగువారు తొలిసారిగా తెలుసుకుంటారు
- నిర్మాతగాను చరణ్ రాణిస్తున్నాడు
చిరంజీవి కథానాయకుడిగా సురేందర్ రెడ్డి దర్శకత్వంలో 'సైరా' సినిమా రూపొందుతోంది. ఇప్పటికే ఈ సినిమాకి సంబంధించిన కీలకమైన సన్నివేశాలు కొన్ని చిత్రీకరించారు. తాజాగా ఈ సినిమా గురించి నాగబాబు స్పందించారు. "సిపాయిల తిరుగుబాటు కంటే ముందుగానే బ్రిటీష్ వారితో ఉయ్యాలవాడ నరసింహా రెడ్డి పోరాడారు. ఆయన గురించి తెలుగు ప్రజలు ఈ సినిమా ద్వారా తొలిసారిగా తెలుసుకోబోతున్నారు.
ఈ సినిమా గురించి నాకు సురేందర్ రెడ్డి చెప్పిన దాన్ని బట్టి, ప్రేక్షకుల ఊహకి అందని స్థాయిలో ఉండనుందనే విషయం అర్థమైంది. ఈ సినిమా సంచలన విజయాన్ని సాధిస్తుందనే నమ్మకం కలిగింది. చరణ్ హీరోగానే కాదు .. నిర్మాతగాను రాణిస్తున్నందుకు ఆనందంగా వుంది. చరణ్ కి అన్నయ్య జీన్స్ తో పాటు మేనమామ అల్లు అరవింద్ వ్యాపారపరమైన తెలివితేటలు కూడా వచ్చాయి" అని చెప్పుకొచ్చారు.
