Andhra Pradesh: అనంతపురంలో బోల్తాపడ్డ ఆటో.. ఒకరి దుర్మరణం, పలువురికి గాయాలు!
- కల్యాణదుర్గం మండలం ఎర్రంపల్లి వద్ద ప్రమాదం
- క్షతగాత్రుల్లో ఒకరి పరిస్థితి విషమం
- కేసు నమోదు చేసిన పోలీసులు
అనంతపురం జిల్లాలో రోడ్డు ప్రమాదం చోటుచేసుకుంది. జిల్లాలోని కల్యాణదుర్గం మండలం ఎర్రంపల్లి వద్ద వేగంగా వెళుతున్న ఆటో ఈ రోజు ఉదయం అదుపు తప్పడంతో బోల్తా కొట్టింది. ఈ ఘటనలో ఒకరు అక్కడికక్కడే ప్రాణాలు కోల్పోగా, మరో ఏడుగురికి గాయాలయ్యాయి. దీంతో వీరిని స్థానిక ఆసుపత్రికి తరలించిన గ్రామస్తులు, పోలీసులకు సమాచారం అందించారు.
కాగా, ఈ ప్రమాదంలో గాయపడ్డవారిలో ఒకరి ఆరోగ్య పరిస్థితి విషమంగా ఉన్నట్లు తెలుస్తోంది. మరోవైపు ఈ ఘటనపై కేసు నమోదుచేసిన కల్యాణదుర్గం పోలీసులు దర్యాప్తు చేస్తున్నారు. ఈ ఆటోలో వెళుతున్న వారంతా బోదపల్లి వాసులని పోలీసులు తెలిపారు.
