Stock Market: నష్టాల్లో స్టాక్ మార్కెట్: ఈక్విటీలను తెగనమ్ముతున్న ఇన్వెస్టర్లు!
- శుక్రవారం నాడు భారీ నష్టం
- 432 పాయింట్లు పడిపోయిన సెన్సెక్స్
- నిఫ్టీ-50లో 40 కంపెనీలు నష్టాల్లోనే
భారత స్టాక్ మార్కెట్ శుక్రవారం నాడు భారీగా నష్టపోయింది. ఈ ఉదయం సెషన్ ప్రారంభం నుంచే విదేశీ ఇన్వెస్టర్లతో పాటు ఫండ్ సంస్థలు ఈక్విటీల విక్రయానికి దిగాయి. రూపాయి పతనం, అంతర్జాతీయ మార్కెట్ల నుంచి అందుతున్న సంకేతాలు ఇన్వెస్టర్ల సెంటిమెంట్ ను హరించాయని మార్కెట్ విశ్లేషకులు వ్యాఖ్యానించారు. ఈ ఉదయం 11 గంటల సమయంలో బీఎస్ఈ సెన్సెక్స్ సూచిక క్రితం ముగింపుతో పోలిస్తే 432 పాయింట్లు పడిపోయి 34,347 పాయింట్లకు పడిపోయింది. ఇదే సమయంలో నేషనల్ స్టాక్ ఎక్స్ఛేంజ్ నిఫ్టీ 153 పాయింట్ల పతనంతో 10,299కి చేరింది.
నిఫ్టీ - 50లో కేవలం 10 కంపెనీలు మాత్రమే లాభాల్లో ఉన్నాయి. గెయిల్, ఇన్ఫ్రాటెల్, ఏషియన్ పెయింట్స్, సన్ ఫార్మా, హింద్ పెట్రో తదితర కంపెనీలు లాభాల్లో నడుస్తుండగా, యస్ బ్యాంక్, రిలయన్స్, బజాజ్ ఫైనాన్స్, అల్ట్రా సిమెంట్స్ తదితర కంపెనీలు నష్టాల్లో కొనసాగుతున్నాయి.
