Akhil: అఖిల్ సరసన వాణిజ్య ప్రకటనలో ప్రియా వారియర్.. వీడియో ఇదిగో!
- కన్నుగొట్టి, గిలిగింతలు పెట్టిన ప్రియా వారియర్
- అఖిల్ తో కలసి ఓ వ్యాపార ప్రకటనలో మలయాళ భామ
- ఇద్దరి జోడీ బాగుందంటున్న నెటిజన్లు
అక్కినేని నట వారసుడు అఖిల్ తో కన్నుగొట్టి, గిలిగింతలు పెట్టిన భామ ప్రియా వారియర్ నటించిన వీడియో ఇది. అదేంటి అఖిల్, ప్రియా వారియర్ ఏ సినిమాలో నటించారని అనుకుంటున్నారా? సినిమా కాదులెండి. సౌతిండియా షాపింగ్ మాల్ కోసం తీసిన ఓ వ్యాపార ప్రకటనలో వీరిద్దరూ కలసి నటించారు. ఇక వీరిద్దరినీ ఒకే ఫ్రేమ్ లో చూసిన వారంతా ఈ జోడీ బాగుందని కితాబిస్తున్నారు. కాగా, ప్రస్తుతం అఖిల్ 'మజ్ను' చిత్రంతో బిజీగా ఉండగా, 'ఒరు ఆధార్ లవ్' తరువాత ప్రియా వారియర్ మరో చిత్రానికింకా సైన్ చేయలేదని తెలుస్తోంది. వీరిద్దరూ కలసి నటించిన యాడ్ ను మీరూ చూడండి.
