Hyderabad: కుక్కను తప్పించబోయి యాక్సిడెంట్... రంగారెడ్డి జిల్లా డిప్యూటీ కలెక్టర్ అరుణకు తీవ్ర గాయాలు!
- సూర్యాపేట సమీపంలో ప్రమాదం
- విజయవాడకు వెళుతున్న అరుణ కుమారి
- ఆసుపత్రిలో చికిత్స, పరిస్థితి నిలకడగా ఉందన్న వైద్యులు
ఈ ఉదయం జరిగిన ఓ రోడ్డు ప్రమాదంలో రంగారెడ్డి జిల్లా డిప్యూటీ కలెక్టర్ అరుణకుమారికి తీవ్ర గాయాలు అయ్యాయి. ఆమె తన కారులో హైదరాబాద్ నుంచి విజయవాడ వెళుతున్న సమయంలో ఈ ప్రమాదం సంభవించింది. సూర్యాపేట సమీపంలోని మునగాల మండలం ఆకుపాముల వద్ద వేగంగా వెళుతున్న కారు ముందుకు ఓ కుక్కరాగా, దాన్ని తప్పించే ప్రయత్నంలో ప్రమాదం జరిగినట్టు తెలుస్తోంది. ఈ ప్రమాదంలో అరుణకుమారికి తీవ్ర గాయాలు కాగా, పోలీసులు ఆమెను సమీపంలోని ఆసుపత్రికి తరలించి చికిత్సను చేయిస్తున్నారు. అరుణ కుమారి పరిస్థితి నిలకడగా ఉన్నట్టు వైద్యులు వెల్లడించారు.
