#RedmiNote6Pro: షియోమి నుండి నాలుగు కెమెరాలతో 'రెడ్‌మీ నోట్ 6 ప్రో' విడుదల!
- థాయ్‌ల్యాండ్ లో విడుదల
- మూడు రంగులలో లభ్యం
- త్వరలో భారత మార్కెట్లోకి
షియోమి నుండి నూతన స్మార్ట్ ఫోన్ రెడ్‌మీ నోట్ 6 ప్రో తాజాగా థాయ్‌ల్యాండ్ లో విడుదలైంది. పవర్ఫుల్ ప్రాసెసర్, వెనక భాగంలో రెండు, ముందు భాగంలో రెండు కెమెరాలతో విడుదలైన ఈ ఫోన్ లో ఫుల్‌ హెచ్‌డీ ప్లస్ స్క్రీన్ డిస్‌ప్లే ని ఏర్పాటు చేశారు. బ్లాక్, బ్లూ, రోజ్ గోల్డ్ కలర్లలో లభించే ఈ ఫోన్ మన దేశంలో రూ.15,700కి లభ్యం అయ్యే అవకాశం ఉంది . కాగా, ఈ ఫోన్ ఇండియాలో విడుదల తేదిపై స్పష్టత లేనప్పటికీ త్వరలోనే భారత మార్కెట్లోకి రానుంది.
'రెడ్‌మీ నోట్ 6 ప్రో' ప్రత్యేకతలు:
- 6.26" ఫుల్‌హెచ్‌డీ ప్లస్ డిస్‌ప్లే
- స్నాప్‌డ్రాగన్ 636 ప్రాసెసర్
- వెనక భాగంలో 12/5 మెగాపిక్సెల్ కెమెరాలు
- ముందు భాగంలో 20/2 మెగాపిక్సెల్ కెమెరాలు
- 4 జీబీ ర్యామ్, 64 జీబీ ఇంటర్నల్ స్టోరేజ్
- ఆండ్రాయిడ్ ఓరియో ఆపరేటింగ్ సిస్టమ్
- 4,000 ఎంఏహెచ్ బ్యాటరీ
