Araku: హత్యల తరువాత పారిపోతున్న మావోలు కామేశ్వరి, శ్రీనుబాబు... వీడియో!
- కాల్పుల తరువాత పరిగెడుతున్న కామేశ్వరి, శ్రీనుబాబు
- సెల్ ఫోన్లలో చిత్రీకరించిన స్థానికులు
- భారీఎత్తున కూంబింగ్ నిర్వహిస్తున్న పోలీసులు
అరకు ఎమ్మెల్యే కిడారి సర్వేశ్వరరావు, మాజీ ఎమ్మెల్యే సివేరి సోమలను అడ్డుకుని, తుపాకులతో కాల్చి దారుణంగా చంపిన మావోలు అక్కడి నుంచి పారిపోతున్న దృశ్యాలు ఇప్పుడు మీడియాకు చిక్కాయి. ఈ వీడియోల్లో ఉన్నది పశ్చిమగోదావరి జిల్లాకు చెందిన కామేశ్వరి అలియాస్ సింద్రి, తూర్పు గోదావరి జిల్లాకు చెందిన జలుమూరు శ్రీనుబాబు అలియాస్ రైనోగా పోలీసులు అనుమానిస్తున్నారు.
హత్యల అనంతరం వీరు పారిపోతుండగా, కొందరు స్థానికులు తమ సెల్ ఫోన్లలో ఈ దృశ్యాలను చిత్రీకరించారు. కాగా, అరకు ప్రాంతంలో మావోలు పెద్దఎత్తున సంచరిస్తుండటంతో, రంగంలోకి దిగిన పోలీసు బలగాలు భారీ ఎత్తున కూంబింగ్ నిర్వహిస్తున్నాయి. మరోవైపు ఒడిశా, చత్తీస్ గఢ్ రాష్ట్రాల పోలీసులు కూడా కూంబింగ్ లో పాలుపంచుకుంటూ ఉండటంతో మన్యం యుద్ధక్షేత్రాన్ని తలపిస్తోంది.
