Hyderabad: సెల్ఫీ వీడియో తీసుకుంటూ.. యువకుడి ఆత్మహత్య!
- సరూర్ నగర్ లో యువకుడి ఆత్మహత్య
- సూసైడ్ ను సెల్ఫీ వీడియో తీసిన వైనం
- కలకలం రేపుతున్న ఆత్మహత్య
హైదరాబాదులో ఓ యువకుడు సెల్ఫీ సూసైడ్ చేసుకున్న ఘటన కలకలం రేపుతోంది. అనిల్ అనే యువకుడు ఫ్యాన్ కు ఉరివేసుకుని ఆత్మహత్యకు పాల్పడ్డాడు. ఈ ఆత్మహత్యను ఫోన్ ద్వారా సెల్ఫీ వీడియో తీశాడు. మృతుడు అనిల్ సరూర్ నగర్ లో ఉంటున్నాడు. ఓ కంపెనీలో ఎగ్జిక్యూటివ్ గా పని చేస్తున్నాడు. డిప్రెషన్ లోనే అనిల్ ఆత్మహత్యకు పాల్పడి ఉంటాడని పోలీసులు అనుమానిస్తున్నారు. అనిల్ స్వగ్రామం ఘట్ కేసర్ మండలంలోని అనూజగూడెం. కేసు నమోదు చేసిన పోలీసులు దర్యాప్తును ప్రారంభించారు.
