USA: అమెరికాలో మృతి చెందిన తెలంగాణ వాసి!
- బోటు ప్రమాదంలో మృతి చెందిన వెలమ వెంకట్రామిరెడ్డి (40)
- అమెరికా లోని ఓ సాఫ్ట్ వేర్ కంపెనీలో ఉద్యోగం
- వారం రోజుల్లో స్వగ్రామానికి మృతదేహం
అమెరికాలోని డల్లాస్‌లో తెలంగాణకు చెందిన ఓ వ్యక్తి బోటు ప్రమాదంలో మృతి చెందారు. కామారెడ్డి జిల్లా మచారెడ్డి మండలం ఆరెపల్లికి చెందిన వెలమ వెంకట్రామిరెడ్డి (40) అమెరికా లోని ఓ సాఫ్ట్ వేర్ కంపెనీలో పని చేస్తున్నారు. తన స్నేహితులతో కలిసి బోటింగ్‌ చేయడానికి వెళ్లిన ఆయన నీట మునిగి ప్రమాదవశాత్తు మరణించారు. దీంతో సమాచారం తెలుసుకున్న డల్లాస్ పోలీసులు విచారణ కొనసాగిస్తున్నారు. కాగా, వెంకట్రామిరెడ్డి మృతదేహం వారం రోజుల్లో స్వగ్రామానికి రానుంది.
