Pooja: సినిమా కబుర్లు.. సంక్షిప్త సమాచారం
- పూజా హెగ్డే 'ఫెయిల్యూర్' బాధ!
- ఫ్రాన్స్ వెళుతున్న మెగా హీరో
- నాగార్జున, నాని కోసం భారీ కాలనీ సెట్
- మరో షెడ్యూలుకు రెడీ అవుతున్న ఎన్టీఆర్
* ఏదైనా ఫెయిల్యూర్ వచ్చినప్పుడు తాను బాగా ఏడ్చేస్తానని చెబుతోంది కథానాయిక పూజా హెగ్డే. 'అవును, అపజయాన్ని నేను తట్టుకోలేను. ఓ పావుగంట బాగా ఏడ్చేస్తాను. దాంతో బాధంతా పోతుంది. ఆ తర్వాత ఇక దాని గురించి మరచిపోతాను' అని చెప్పింది పూజ.
* సాయిధరం తేజ్ హీరోగా కరుణాకరన్ దర్శకత్వంలో రూపొందుతున్న ' తేజ్ ఐ లవ్ యూ' చిత్రానికి సంబంధించిన రెండు పాటలను త్వరలో ఫ్రాన్స్ లో చిత్రీకరిస్తారు. మే నెలాఖరుకి చిత్ర నిర్మాణాన్ని పూర్తిచేసి, జూన్ లో దీనిని విడుదల చేయడానికి ప్లాన్ చేస్తున్నారు. ఇందులో అనుపమ పరమేశ్వరన్ నాయికగా నటిస్తోంది.
* నాగార్జున, నాని హీరోలుగా నటిస్తున్న మల్టీ స్టారర్ చిత్రం కోసం హైదరాబాదులో ఓ భారీ కాలనీ సెట్ ను వేస్తున్నారు. దీనికి కోటి రూపాయలు ఖర్చవుతున్నట్టు తెలుస్తోంది. శ్రీరాం ఆదిత్య దీనికి దర్శకత్వం వహిస్తున్నాడు.
* ఎన్టీఆర్, త్రివిక్రమ్ కాంబినేషన్లో రూపొందుతున్న చిత్రం తదుపరి షెడ్యూలు షూటింగ్ మే మొదటి వారంలో మొదలవుతుంది. తొలి షెడ్యూలులో యాక్షన్ దృశ్యాలను చిత్రీకరించారు. ఇందులో పూజా హెగ్డే కథానాయికగా నటిస్తోంది.
