Kamineni Srinivas: కామినేనిని బాధపడవద్దన్న అచ్చెన్న.. సంతోషంగానే ఉన్నానన్న కామినేని!
- ఐడీ కార్డులు, వాహనాలు సరెండర్ చేసిన తరువాత అసెంబ్లీకి వెళ్లిన కామినేని
- అసెంబ్లీ లాబీల్లో ఎదురుపడ్డ గంటా, అచ్చెన్నాయుడు
- కామినేనితో మాటకలిపిన అచ్చెన్నాయుడు
ఆంధ్రప్రదేశ్ అసెంబ్లీ లాబీల్లో ఆసక్తికర సన్నివేశం చోటుచేసుకుంది. ఆంధ్రప్రదేశ్ రాజకీయాల్లో నిన్న చోటుచేసుకున్న పరిణామాల నేపథ్యంలో నేడు రాజీనామా చేసేందుకు సిద్ధమని ప్రకటించిన బీజేపీ మంత్రులు ఐడీ కార్డులు, అధికారిక వాహనాలు సరెండర్ చేసిన సంగతి తెలిసిందే. ఈ నేపథ్యంలో అసెంబ్లీ లాబీల్లో మంత్రులు అచ్చెన్నాయుడు, గంటా శ్రీనివాసరావుకు వైద్య, ఆరోగ్య శాఖ మంత్రి కామినేని శ్రీనివాస్ ఎదురు పడ్డారు. ఈ సందర్భంగా అచ్చెన్నాయుడు కామినేనితో మాట కలుపుతూ, 'అన్నా! బాధపడకు' అన్నారు. దానికి కామినేనిని సమాధానమిస్తూ, 'నేను చాలా సంతోషంగా ఉన్నాను' అన్నారు. మళ్లీ ఆయనే 'నాకు అవకాశం కల్పించిన చంద్రబాబుకు కృతజ్ఞతలు' అని పేర్కొన్నారు.
