vjay devarakonda: రాజకీయవారసుడిగా ప్రేక్షకుల ముందుకు విజయ్ దేవరకొండ!
- వరుస సినిమాలతో విజయ్ దేవరకొండ
- విడుదల దిశగా 'టాక్సీవాలా' .. 'ఏ మంత్రం వేశావే'
- తమిళంలో తాజా చిత్రం మొదలు
'అర్జున్ రెడ్డి'తో వచ్చిన విపరీతమైన క్రేజ్ ను నిలబెట్టుకోవడానికి గాను విజయ్ దేవరకొండ తనవంతు కృషి చేస్తున్నాడు. కొత్తదనంతో కూడిన కథలను ఎంచుకుంటూ వరుస సినిమాలు చేస్తున్నాడు. ఈ నేపథ్యంలో ఆయన తెలుగు సినిమాలతో పాటు తమిళంలోనూ తన జోరు పెంచాలని నిర్ణయించుకున్నాడు. అందులో భాగంగానే ఆయన ఒక తమిళ సినిమా చేస్తున్నాడు.
ఆనంద్ శంకర్ దర్శకత్వం వహిస్తోన్న ఈ సినిమా రెగ్యులర్ షూటింగ్ ఈ రోజునే హైదరాబాద్ లో మొదలైంది. జ్ఞానవేల్ రాజా నిర్మిస్తోన్న ఈ సినిమా, రాజకీయాల నేపథ్యంలో కొనసాగుతుందట. రాజకీయ నాయకుడి వారసుడిగా ఎంట్రీ ఇచ్చిన విజయ్ దేవరకొండ, ఆ రాజకీయాలను ఎలా ప్రభావితం చేశాడనే కథాంశంతో ఈ సినిమా రూపొందుతుందట. మెహ్రీన్ కథానాయికగా నటిస్తోన్న ఈ సినిమా, యూత్ ను ఆలోచింపజేసేదిగా ఉంటుందని అంటున్నారు.
