anchor: అనుకోని సంఘటన.. లైవ్‌లో యాంకర్ తలపై ఎర్రని పక్షి.. బిగ్గరగా నవ్విన మరో యాంకర్
- అమెరికాలోని శాన్‌డియాగోలోని కెఎఫ్‌ఎంబీ ఛానెల్‌లో సంఘటన
- ఛానెల్‌లో మరో ప్రోగ్రాం కోసం ఐబిస్‌ జాతికి చెందిన ఎరుపు రంగు పక్షిని తీసుకొచ్చిన నిర్వాహకులు
- లైవ్ ప్రోగ్రాం జరుగుతోన్న గదిలోకి ఒక్కసారిగా వచ్చిన పక్షి
టీవీలో లైవ్ షో జరుగుతోన్న సమయంలో ఓ పక్షి ఎగురుకుంటూ వచ్చి యాంకర్ తలపై వాలిన ఘటన అమెరికాలోని శాన్‌డియాగోలోని కెఎఫ్‌ఎంబీ ఛానెల్‌లో చోటు చేసుకుంది. ఈ దృశ్యాలను ఆ ఛానెల్ యూ ట్యూబ్‌లో పెట్టడంతో వైరల్ అవుతున్నాయి. ఐబిస్‌ జాతికి చెందిన ఎరుపు రంగు పక్షి ఒక్కసారిగా యాంకర్ మెడినా తలపై వాల‌డంతో అంద‌రూ షాక్ అయ్యారు.
ఆ లైవ్ షోలో ఉన్న మరో యాంకర్ ఎర్రిక్ ఈ దృశ్యాన్ని చూసి విర‌గ‌బ‌డి న‌వ్వాడు. అనుకోకుండా త‌న‌పై ప‌క్షివాల‌డంతో యాంకర్ మెడినా క‌ద‌ల‌కుండా అలాగే కూర్చుండిపోయింది. ఆ పక్షి మళ్లీ ఎగిరి.. ఎర్రిక్ మీద వాలబోయి, అక్క‌డి నుంచి వెళ్లిపోయింది. జూడే సందర్భంగా ఆ ఛానెల్ వారు ప‌క్షుల గురించి ఓ ప్రోగ్రాం చేస్తున్నారు. ఈ నేప‌థ్యంలో ఆ పక్షిని తీసుకొచ్చారు. ఇంత‌లో ఆ పక్షి ఒక గ‌దిలోంచి మరో గదిలోకి ఇలా వెళ్లింది.
